Қазақстан ТМД елдері арасындағы салық саясатының принциптері туралы келісімді тоқтатты

Опубликовано:

Қасым-Жомарт Тоқаев
Қасым-Жомарт Тоқаев. Фото: newtimes.kz

Мемлекет басшысы Қасым-Жомарт Тоқаев "1992 жылғы 13 наурыздағы салық саясатының келісілген принциптері туралы Тәуелсіз Мемлекеттер Достастығына қатысушы мемлекеттер үкіметтері арасындағы келісімнің қолданысын тоқтату туралы хаттаманы ратификациялау туралы" Қазақстан Республикасының заңына қол қойды. Бұл туралы Ақорданың ресми сайтында хабарланды.

Қазақстан президенті тағы бірқатар заңға қол қойды:

  • "Қазақстан Республикасының үкіметі мен Қытай Халық Республикасының үкіметі арасындағы ядролық материалдарды, радиоактивті материалдарды, радиоактивті қалдықтарды және радиациялық-қауіпті заттарды заңсыз өткізуді болғызбаудағы өзара іс-қимыл жөніндегі келісімді ратификациялау туралы" Қазақстан Республикасының заңы.
  • "Қазақстан Республикасының үкіметі мен Қырғыз Республикасының Министрлер кабинеті арасындағы Орталық Азия өңірінің қауіпсіздігін қамтамасыз етуде әскери-техникалық  жәрдем  көрсету  туралы  келісімді ратификациялау туралы" Қазақстан Республикасының заңы.
  • Қазақстан Республикасының үкіметі мен Армения Республикасының үкіметі арасындағы Армения Республикасына мұнай өнімдерін беру саласындағы сауда-экономикалық ынтымақтастық туралы келісімді ратификациялау туралы" Қазақстан Республикасының Заңы.

Мақаланың түпнұсқасы: https://kaz.nur.kz/politics/1973648-qazaqstan-tmd-elderi-arasyndagy-salyq-sayasatynyn-principteri-turaly-kelisimdi-toqtatty/

jitsu gif