Осы аптада президенттің қатысуымен қандай іс-шаралар өтеді

Мемлекет басшысы Қасым-Жомарт Тоқаев осы аптада бірнеше іс-шараға қатысады, деп хабарлайды президенттің баспасөз қызметі Telegram арнасында.

Ақорданың мәліметінше, бүгін, 27 маусымда мемлекет басшысы "Астана" халықаралық қаржы орталығын басқару жөніндегі кеңестің отырысын өткізеді.

29 маусымда Қасым-Жомарт Тоқаев Каспий маңы елдері басшыларының Ашхабадта (Түрікменстан) өтетін алтыншы саммитіне қатысады.

Сондай-ақ 30 маусымда президент Ақорда резиденциясында Реформалар жөніндегі жоғары кеңестің кезекті отырысын өткізеді деп жоспарлануда.