Тоқаев Қазақстан митрополиті Александрды қабылдады

Опубликовано:

Қасым-Жомарт Тоқаев пен митрополит Александр
Қасым-Жомарт Тоқаев пен митрополит Александр. Фото: Ақорда

Мемлекет басшысы Қасым-Жомарт Тоқаев Астана және Қазақстан митрополиті Александрды қабылдады, деп хабарлайды Ақорда.

Кездесуде Қасым-Жомарт Тоқаев Православ шіркеуінің Қазақстанда бірлік пен келісімді нығайтуға қосқан үлесін жоғары бағалап, дін саласындағы мемлекеттік саясат мәселелеріне тоқталды.

Мемлекет басшысы Қазақстан митрополиттік аймағының этносаралық және конфессияаралық диалогты дамыту, адамгершілік құндылықтарды ілгерілету жолында ауқымды жұмыс атқарып жатқанын атап өтті.

Президент қыркүйек айында Әлемдік және дәстүрлі діндер көшбасшыларының VII съезі өтетінін айтты. Оның басты тақырыбы – адамзаттың пандемиядан кейінгі кезеңдегі рухани және әлеуметтік дамуында діни көшбасшылардың атқаратын рөлі. Қасым-Жомарт Тоқаев Патриарх Кириллдің аталған форумға қатысуы жаһандық дінаралық және өркениетаралық диалогқа тың серпін беретініне сенім білдірді.  

Өз кезегінде митрополит Александр мемлекет басшысына кездесуге мүмкіндік бергені үшін алғыс білдіріп, Қазақстан халқының игілігі жолындағы жаңғыруға бағытталған жасампаз реформаларды қолдайтынын жеткізді.

Мақаланың түпнұсқасы: https://kaz.nur.kz/politics/1976571-toqaev-qazaqstan-mitropoliti-aleksandrdy-qabyldady/