Президенттің төрағалығымен үкіметтің кеңейтілген отырысы басталды

Мемлекет басшысы Қасым-Жомарт Тоқаевтың төрағалығымен үкіметтің кеңейтілген отырысы басталды, деп хабарлайды БОРТ №1 Телеграм-арнасы.

Жиын барысында президент күрделі геосаяси сын-қатерге қарамастан, еліміз бір қалыпты дамып келе жатқанын атап өтті.

"Күрделі геосаяси сын-қатерге қарамастан, еліміз бір қалыпты дамып келеді. Мұны жарты жылдық нәтижеден көріп отырмыз. Экономика 3,4 пайызға, ал нақты сектор 4,1 пайызға өсті. Әсіресе, өңдеу өнеркәсібі саласында айтарлықтай ілгерілеу бар.

Дегенмен, инфляция да бір орында тұрған жоқ. Қазір бұл көрсеткіш 14,5 пайызға жетіп, 2015 жылғы деңгейден асып түсті", - деді мемлекет басшысы.