Top.Mail.Ru

Сайт нұсқасы

ru kz

Зектілері

Тоқаев МӘМС жүйесі тиімді болмағанын, нақты нәтиже жоқ екенін айтты

Опубликовано:

ауруханада
Көрнекі фото: NUR.KZ/Петр Карандашов

Мемлекет басшысы Қасым-Жомарт Тоқаев үкіметтің кеңейтілген отырысында "міндетті әлеуметтік медициналық сақтандыру жүйесі тиімді болмады" деп мәлімдеді. Бұл туралы БОРТ №1 Telegram арнасында хабарлады.

Оның сөзінше, медицина саласына бөлінген қаржы көлемі артқанымен, мұнда қордаланған мәселелер шешімін таппай отыр.

"Міндетті әлеуметтік медициналық сақтандыру жүйесі тиімді болмады, нақты нәтиже жоқ. Үш миллионға жуық адам медициналық сақтандырудан тыс қалған. Соның кесірінен олар денсаулық сақтау саласындағы қызметтерді толық пайдалана алмайды.

Үкімет Стратегиялық жоспарлау және реформалар агенттігімен бірлесіп, медициналық сақтандыру жүйесін жетілдіру жөнінде ұсыныстар дайындауы керек.

Келесі өзекті мәселе – денсаулық сақтау жүйесін цифрландыру. Бұл жұмыс өте баяу жүріп жатыр. Жалпы, цифрландырудың қазіргі деңгейі дәрігерлердің жұмысын жеңілдетіп отырған жоқ.

Денсаулық сақтау саласында 40-тан астам ақпараттық жүйе жұмыс істейді. Әр жүйенің өз кемшіліктері бар. Министрлік болса, жауапкершіліктен қашып, нақты шешім қабылдамай отыр. Ал, мұның зардабын дәрігерлер мен азаматтар тартуда. Үкімет осы мәселені тез арада шешуі керек", - деді президент.

Мақаланың түпнұсқасы: https://kaz.nur.kz/politics/1978410-toqaev-mams-zuiesi-tiimdi-bolmaganyn-naqty-natize-zoq-ekenin-aitty/

pixel