Тоқаев Ұлттық банк төрағасына инфляцияны тежеу жұмыстарын күшейтуді тапсырды

Опубликовано:

Қасым-Жомарт Тоқаев және Ғалымжан Пірматов
Қасым-Жомарт Тоқаев және Ғалымжан Пірматов. Фото: Ақорда

Мемлекет басшысы Қасым-Жомарт Тоқаев Ұлттық банк төрағасы Ғалымжан Пірматовты қабылдады, деп хабарлайды Ақорда.

Кездесу барысында Ғалымжан Пірматов президентке Ұлттық банктің биылғы қаңтар-маусым айларында жүзеге асырған ақша-кредит саясатының алдын ала қорытындылары туралы есеп берген.

Сонымен қатар Ұлттық банк төрағасы инфляцияға қатысты болжамдар, тұтыну бағаларын тұрақтандыруға бағытталған шаралар, еліміздің халықаралық резервтерінің қазіргі жай-күйі туралы айтқан.

Кездесу соңында мемлекет басшысы Ғалымжан Пірматовқа инфляцияны тежеу жұмыстарын күшейтуді және ақша-кредит саясатының тиімділігін арттыруды тапсырған.

Мақаланың түпнұсқасы: https://kaz.nur.kz/politics/1979835-toqaev-ulttyq-bank-toragasyna-inflyaciyany-tezeu-zumystaryn-kuseitudi-tapsyrdy/