Top.Mail.Ru

Сайт нұсқасы

ru kz

Зектілері

Тоқаев Зеленскиймен телефон арқылы сөйлесті

Опубликовано:

Тоқаев пен Зеленский
Фото: Ақорда

Мемлекет басшысы Қасым-Жомарт Тоқаев Украина президенті Владимир Зеленскиймен телефон арқылы сөйлесті, деп хабарлайды Ақорда.

Украина тарапының бастамасымен өткен әңгімелесу барысында Қасым-Жомарт Тоқаев пен Владимир Зеленский бірін-бірі екі ел арасындағы дипломатиялық қатынастардың 30 жылдығымен құттықтады. Бұл атаулы күн 23 шілдеде атап өтіледі.

Қасым-Жомарт Тоқаев осы кезең ішінде экономикалық және гуманитарлық салалардағы екіжақты ынтымақтастықты дамытуда маңызды әрі оң нәтижелерге қол жеткізілгенін атап өтті.

Қазақстан президенті БҰҰ-ның көмек көрсетуімен Украина астығын экспорттау жөніндегі Түркияда қол жеткізілген үшжақты келісімге оң баға берді. 

Сонымен қатар мемлекет басшысы Украинадағы жағдайды дипломатиялық жолмен реттеуге қатысты Қазақстанның түбегейлі ұстанымын растады.

Мақаланың түпнұсқасы: https://kaz.nur.kz/politics/1979891-toqaev-zelenskiimen-telefon-arqyly-soilesti/

pixel