Джидда қаласына ресми сапармен келген Тоқаевты қарсы алу рәсімі қалай өтті (фото, видео)
Опубликовано:
Сауд Арабиясының Джидда қаласына ресми сапармен барған президент Қасым-Жомарт Тоқаевты елдің королі Салман бен Әбделазиз Әл Саудтың "Қаср Ас-Салам" сарайында салтанатты түрде қарсы алу рәсімі өтті. Бұл туралы Telegram-дағы "БОРТ №1" каналы хабарлады.
Президенттің баспасөз қызметінің хабарлауынша, ең алдымен құрмет қарауылының бастығы екі ел басшыларына рапорт берген.
Бұдан соң Қазақстан мен Сауд Арабиясының әнұрандары шырқалып, кейін Қасым-Жомарт Тоқаев пен тақ мұрагері Мұхаммед бен Салман бен Әбделазизге ресми делегациялардың мүшелері таныстырылған.
Содан кейін президент пен тақ мұрагері келіссөз жүргізген.
Айта кетейік, бұған дейін мемлекет басшысы Қос Киенің сақшысы – Сауд Арабиясының королі Салман бен Әбделазиз Әл Саудтың шақыруымен Джидда қаласына ресми сапармен барғанын хабарлаған едік.
Мақаланың түпнұсқасы: https://kaz.nur.kz/politics/1979913-dzidda-qalasyna-resmi-saparmen-kelgen-toqaevty-qarsy-alu-rasimi-qalai-otti-foto-video/