Top.Mail.Ru

Сайт нұсқасы

ru kz

Зектілері

Ауыл шаруашылығы мақсатындағы тағы 5,5 млн гектар жер мемлекет меншігіне қайтарылады

Опубликовано:

Егістік
Көрнекі фото: pixabay.com

Премьер-министрдің бірінші орынбасары Роман Скляр пайдаланылмай жатқан және заңнаманы бұза отырып берілген жерлерді мемлекет меншігіне қайтару жөніндегі комиссияның кезекті отырысын өткізді, деп хабарлайды үкімет басшысының ресми сайты.

Отырыс барысында ауыл шаруашылығы мақсатындағы жерлерді анықтау және қайтару бойынша жүргізіліп жатқан жұмыстардың нәтижелері қаралған.

Премьер-министрдің ресми сайты берген мәлімет бойынша, жыл басынан бері комиссия шешімімен мемлекетке 1 млн 119 мың гектар жер қайтарылған. 

"Қазіргі уақытта жалпы аумағы 2 млн 94 мың га жерді пайдаланушыларға қатысты 724 жоспардан тыс тексеру жүргізіліп жатыр, 698,4 мың га жерді тексеру бойынша 48 өтініш прокуратура органдарында тіркеу сатысында тұр.

Жалпы комиссия аумағы 7,45 млн га жерде 2 584 субъектіге қатысты тексеру жүргізуді жоспарлап отыр, оның ішінде егістік алаңы – 585,2 мың га, жайылым жер – 6,86 млн га", - делінген хабарламада.

Айта кетейік, осы жылдың 9 тамызында президенті Жер заңнамасының сақталуына тексеру жүргізуге мораторийдің күшін жоюды көздейтін жарлыққа қол қойды.

Жоғарыда аталған шараларды ескере отырып, жыл соңына дейін пайдаланылмаған және заңнаманы бұза отырып берілген ауыл шаруашылығы мақсатындағы жерлерінің кем дегенде 5 млн гектарын мемлекетке қайтару көзделген.

Мақаланың түпнұсқасы: https://kaz.nur.kz/politics/1982946-auylsaruasylygy-maqsatyndagy-tagy-55-mln-gektar-zer-memleket-mensigine-qaitarylady/