Әзербайжанға ресми сапармен келген Тоқаевты қарсы алу рәсімі қалай өтті (фото, видео)
Опубликовано:
Әзербайжанға ресми сапармен келген мемлекет басшысы Қасым-Жомарт Тоқаевты ресми қарсы алу рәсімі Әзербайжан президентінің "Загульба" резиденциясында өтті, деп хабарлайды Telegram-дағы "Борт №1" арнасы.
Қазақстан президентінің баспасөз қызметінің хабарлауынша, құрмет қарауылының бастығы рапорт бергеннен кейін екі ел басшылары әскерилер сапын аралап өткен.
Одан кейін Қазақстан мен Әзербайжанның әнұрандары шырқалған.
Содан соң Қасым-Жомарт Тоқаев пен Ильхам Әлиев бір-біріне ресми делегациялардың мүшелерін таныстырған.
Салтанатты шарадан кейін мемлекет басшыларының жеке кездесуі басталған.
Мақаланың түпнұсқасы: https://kaz.nur.kz/politics/1984599-azerbaizan-prezidentinin-rezidenciyasynda-toqaevty-qalai-qarsy-aldy-foto-video/