Теміртау қаласының бұрынғы әкімі жаңа қызметке тағайындалды

Теміртау қаласының бұрынғы әкімі Қайрат Бегімов Қарағанды облысының энергетика және тұрғын үй-коммуналдық шаруашылық басқармасының басшысы болып тағайындалды, деп хабарлайды Қарағанды облысы әкімдігінің ресми сайты.

Кадрлық өзгерістер туралы өңір басшысы Жеңіс Қасымбек аппараттық кеңесте хабарлаған.

Қайрат Бегімовтің мемлекеттік қызметтегі еңбек өтілі 30 жылға жуық. Еңбек жолын "Қарағандыкөмір" бірлестігінің жекешелендіру және тұрғын үй бөлімінің басшысы болып бастады.

Қарағанды қаласының аудан әкімдері аппараттарында түрлі қызметтер атқарған. Қарағанды қаласы Октябрь ауданы әкімінің орынбасары, Қарағанды қаласының ТКШ, жолаушылар көлігі және автомобиль жолдары бөлімінің бастығы болды.

Қарағандыда Қазыбек би атындағы аудан әкімінің орынбасары, Октябрь ауданының әкімі, қала әкімінің орынбасары болып жұмыс істеді. Кейін облыстық құрылыс, энергетика және ТКШ басқармаларында басшылық қызметтерді атқарды. Жезқазған қаласының әкімі болды. 2020 жылдың тамызынан бастап қазіргі уақытқа дейін Теміртау қаласының әкімі қызметін атқарған.