Тоқаевтың Нью-Йорк қаласына жұмыс сапарынан видео жарияланды

Президент Қасым-Жомарт Тоқаевтың Нью-Йорк қаласына жұмыс сапарынан видео жарияланды, деп хабарлайды Борт №1 Telegram арнасы

Қасым-Жомарт Тоқаев 19 қыркүйек күні БҰҰ Бас Ассамблеясының 77-сессиясына қатысу үшін Нью-Йоркке жұмыс сапарымен барды. Онда мемлекет басшысы шетелде тұратын және әлемнің жетекші технологиялық компанияларында жұмыс істейтін 400 қазақстандықты біріктіретін Digital Nomads IT-қоғамдастығының өкілдерімен кездесу өткізді.

Сондай-ақ, президент жаһандық қаржы институттарының және АҚШ-тың ірі компанияларының басшылығымен кездесті.

Кеше Тоқаев БҰҰ Бас Ассамблеясының 77-сессиясының ашылуында сөз сөйледі. Қазақстан президенті Алматыда БҰҰ Өңірлік орталығын құруды ұсынды.