Тоқаев Түркістан облысына жұмыс сапарымен келді (видео)

Мемлекет басшысы Қасым-Жомарт Тоқаев Түркістан облысына жұмыс сапарымен келді, деп хабарлайды Ақорда ресми Telegram-арнасында.

Президенттің баспасөз қызметі мемлекет басшысы мінген ұшақ Түркістан әуежайына қонған сәттен видео жариялады.

Еске сала кетейік, өткен аптада Қасым-Жомарт Тоқаев Түркістан облысының әкімі Дархан Сатыбалдыны қабылдаған еді.

Өңір басшысы президентке Түркістан облысында биылғы 8 айда атқарылған жұмыстар туралы есеп берген болатын.