Top.Mail.Ru

Сайт нұсқасы

ru kz

Зектілері

Президент жанындағы комиссия Сыбайлас жемқорлыққа қарсы күрес бойынша мемлекеттер тобының/ГРЕКО ұсынымдарын қарады

Опубликовано:

Ерлан Қарин комиссия отырысында. Астана, 29 қыркүйек, 2022 жыл
Ерлан Қарин. Фото: жеке мұрағат

Мемлекеттік кеңесші Ерлан Қариннің төрағалығымен Қазақстан Республикасы Президенті жанындағы сыбайлас жемқорлыққа қарсы іс-қимыл мәселелері жөніндегі комиссияның отырысы өтті, - деп хабарлайды KAZ.NUR.KZ.

Отырыста Еуропа Кеңесі жанындағы сыбайлас жемқорлыққа қарсы күрес жөніндегі мемлекеттер тобының (ГРЕКО) ұсынымдары талқыланды. Жиында сыбайлас жемқорлыққа қарсы тиімді іс-қимыл қабылдау мақсатында ГРЕКО ұйымымен өзара қарым-қатынас орнатуға баса назар аударылды.

Мемлекеттік кеңесші шетелдік сарапшылардың ұсынымдарын пысықтау және іске асырудың нақты тетіктерін әзірлеу жөніндегі жұмысты жандандыру қажет екенін атап өтті.

Сондай-ақ, отырыста Көлеңкелі экономикаға қарсы іс-қимыл жөніндегі 2021-2023 жылдарға арналған кешенді жоспарды орындау мақсатында мемлекеттік органдар атқарып жатқан жұмыстардың жай-жапсары талқыланды.

Жиында аталған Кешенді жоспарды өз деңгейінде іске асыру, оның орындалуына нақты мониторинг жүргізу және көлеңкелі экономиканы азайту үшін қабылданатын шараларға түзетулер енгізу жайында айтылды.

Комиссия отырысындағы талқылаулардан кейін жиында қарастырылған мәселелер бойынша нақты ұсынымдар әзірленді.

Мақаланың түпнұсқасы: https://kaz.nur.kz/politics/1990310-prezident-zanyndagy-komissiya-sybailas-zemqorlyqqa-qarsy-kures-boiynsa-memleketter-tobynyngreko-usynymdaryn-qarady/

pixel