Тоқаев: Ұлан-ғайыр жері бар Қазақстанда жайылым тапшылығы деген – еш қисынға келмейтін нәрсе

Опубликовано:

Қасым-Жомарт Тоқаев
Қасым-Жомарт Тоқаев. Фото: T.me/bort_01

Қарағанды облысының жұртшылығымен кездесуде мемлекет басшысы ұлан-ғайыр жері бар Қазақстанда жайылым тапшылығы жайлы сөз қозғау қисынға келмейтінін, жеріміздің игілігін қарапайым халық көруі керектігін айтты. Бұл туралы KAZ.NUR.KZ БОРТ N1 Telegram-арнасына сілтеме жасап хабарлайды.

"Менің тапсырмаммен ауыл шаруашылығы жерлеріне ғарыштан мониторинг жасалды. Республика бойынша игерілмей бос жатқан 20 миллионнан астам гектар жайылым жер анықталды. Оны мемлекет меншігіне қайтарумен айналысатын арнайы комиссия жұмыс істеп жатыр.

Қазірдің өзінде 4,2 миллион гектардан астам алқап қайтарылды. Соның ішінде 1,1 миллион гектар жер Қарағанды облысына тиесілі.

Әлемде 9 орын алатын ұлан-ғайыр жері бар Қазақстанда жайылым тапшылығы деген – еш қисынға келмейтін нәрсе. Осы кең байтақ жеріміздің игілігін латифундистер емес, қарапайым халық көруі керек.

Сондықтан, ендігі мәселе – қайтарылған жерді жергілікті шаруаларға әділ бөліп беру қажет. Сонда ғана фермерлердің өз шаруашылығын адал жүргізуге сенімі артады", – дейді Қасым-Жомарт Тоқаев.

Мақаланың түпнұсқасы: https://kaz.nur.kz/politics/1991150-toqaev-ulan-gaiyr-zeri-bar-qazaqstanda-zaiylym-tapsylygy-degen-es-qisynga-kelmeitin-narse/