Президенттікке кандидат Жигули Дайрабаев ОСК-ға құжат тапсырды

Опубликовано:

Жигули Дайрабаев
Жигули Дайрабаев. Фото: Facebook / Жигули Дайрабаев

Жигули Дайрабаев 5 қазанда ел президенттігіне кандидат ретінде ұсынылуы туралы құжаттарын Орталық сайлау комиссиясына тапсырды, деп хабарлайды ОСК ресми сайтында.

ОСК хабарламасында Жигули Молдақалықұлы Дайрабаевтың "Ауыл" Халықтық-демократиялық патриоттық партиясы" Республикалық кәсіподақтар бірлестігінен Қазақстан президенттігіне кандидат болып ұсынылғаны туралы айтылады.

Дайрабаев келесі құжаттарды ұсынған:

1. "Ауыл" Халықтық-демократиялық патриоттық партиясы" Республикалық қоғамдық бірлестігінің жоғары органы отырысының Қазақстан президенттігіне ұсыну туралы хаттамасынан үзінді;

2. Ж.М. Дайрабаевтың Қазақстан президенттігіне кандидат болуға келісімі туралы өмірбаяндық деректері қоса берілген өтініші;

3. Орталық сайлау комиссиясының шотына сайлау жарнасының енгізілгенін куәландыратын құжат;

4. Жеке басын куәландыратын құжаттың көшірмесі;

5. Жоғары білімі туралы дипломдардың көшірмелері.

Жигули Дайрабаевты 30 қыркүйекте "Ауыл" партиясы Қазақстан президенттігіне кандидат ретінде ұсынғанын хабарлаған болатынбыз. Ол - "Атамекен" ҰКП Төралқасы Агроөнеркәсіптік кешен комитетінің төрағасы және Қазақстан фермерлері қауымдастығының төрағасы.

Еске сала кетейік, Мейрам Қажыкен президенттікке үміткерлердің ішінде бірінші болып ОСК-ға құжат тапсырған болатын. Қазақстанда кезектен тыс президент сайлауы 20 қарашаға белгіленген.

Мақаланың түпнұсқасы: https://kaz.nur.kz/politics/1991209-prezidenttikke-kandidat-ziguli-dairabaev-osk-ga-quzat-tapsyrdy/