ОСК: Тоқаев президенттікке кандидаттарға қойылатын барлық талапқа сай
Опубликовано:
Орталық сайлау комиссиясы президенттікке үміткер Қасым-Жомарт Тоқаевтың Конституция мен "Сайлау туралы" заң талаптарына сәйкес келетінін анықтады, деп хабарлайды KAZ.NUR.KZ.
ОСК президенттікке кандидат Қасым-Жомарт Тоқаевтың талаптарға сәйкестігі мәселесі бойынша кеңес өткізді.
"Орталық сайлау комиссиясы президенттікке кандидат Қасым-Жомарт Тоқаевтың оған Конституцияда және "Сайлау туралы" Конституциялық заңда белгіленген талаптарға сәйкес келетінін анықтады", – деді ОСК басшысы Нұрлан Әбдіров.
Ол кандидатты қолдап қол жинау үшін қажетті мөлшердегі қол қою парақтарын беру керектігін айтты.
Еске салайық, бұған дейін ОСК Қасым-Жомарт Тоқаевты Қазақстан президенттігіне кандидат ретінде тіркеу туралы құжаттарды қабылдағаны айтылған болатын.
Кезектен тыс президенттік сайлау 2022 жылдың 20 қарашасында өтеді.
Мақаланың түпнұсқасы: https://kaz.nur.kz/politics/1991768-osk-toqaev-prezidenttikke-kandidattarga-qoiylatyn-barlyq-talapqa-sai/