Тағы екі адам Қазақстан президенттігіне кандидат ретінде ұсынылды
Опубликовано:
"Қазақстандық футбол әуескерлері лигасынан" Бақыт Жаңабаев және "Тәжірибелік психология" республикалық қоғамдық бірлестігі атынан Фатима Бизақова президенттікке кандидат ретінде ОСК-ға құжаттарын тапсырды, деп хабарлайды Орталық сайлау комиссиясының ресми сайты.
ОСК хабарлауынша, Ортсайлаукомға Бақыт Маратұлы Жанабаевтың Қазақстан Республикасының Президенттігіне кандидат болып ұсынылғаны туралы келесі құжаттары келіп түскен:
- "Қазақстандық Футбол Әуескерлері Лигасы» қоғамдық бірлестігінің жоғары органы отырысының Қазақстан Республикасының Президенттігіне кандидат болып ұсыну туралы хаттамасынан үзінді;
- Б.М. Жанабаевтың Қазақстан Республикасының Президенттігіне кандидат болуға келісімі туралы өмірбаяндық деректері қоса берілген өтініші;
- Қазақстан Республикасы Орталық сайлау комиссиясының шотына сайлау жарнасының енгізілгенін куәландыратын құжат;
- Жеке басын куәландыратын құжаттың көшірмесі;
- Жоғары білімі туралы дипломының көшірмесі.
Сондай-ақ құжат тапсырудың соңғы күні ОСК-ға Фатима Бизакова Қазақстан Республикасының Президенттігіне кандидат болып ұсынылғаны туралы келесі құжаттарын тапсырған:
- "Тәжірибелік психология" республикалық қоғамдық бірлестігінің жоғары органы отырысының Қазақстан Республикасының Президенттігіне кандидат болып ұсыну туралы хаттамасынан үзінді;
- Ф.Бизакованың Қазақстан Республикасының Президенттігіне кандидат болуға келісімі туралы өмірбаяндық деректері қоса берілген өтініші;
- Қазақстан Республикасы Орталық сайлау комиссиясының шотына сайлау жарнасының енгізілгенін куәландыратын құжат;
- Жеке басын куәландыратын құжаттың көшірмесі;
- Жоғары білімі туралы дипломының көшірмесі.
Мақаланың түпнұсқасы: https://kaz.nur.kz/politics/1992187-tagy-eki-adam-qazaqstan-prezidenttigine-kandidat-retinde-usynyldy/