Тоқаев Қырғызстанның Қазақстандағы мәдениет күндерінің ресми ашылу шарасына қатысты

Опубликовано:

Қасым-Жомарт Тоқаев
Қасым-Жомарт Тоқаев. Фото: t.me/bort_01

Мемлекет басшысы Қасым-Жомарт Тоқаев Қырғызстанның Қазақстандағы мәдениет күндерінің ресми ашылу шарасына қатысты, деп хабарлайды президент баспасөз қызметінің Telegram арнасы.

Қасым-Жомарт Тоқаев Қырғызстан президенті Садыр Жапаровпен және Еуропалық кеңес президенті Шарль Мишельмен бірге Қырғызстанның Қазақстандағы мәдениет күндерінің ресми ашылу шарасына қатысты.

Президенттер Қырғызстанның Ұлттық тарихи мұражайының коллекциясы қойылған "Ықылым мұрасы" көрмесімен танысты. Содан соң қырғызстандық өнер шеберлерінің концертін тамашалады.

Мәдени шаралар
Фото: t.me/bort_01

Концерт бағдарламасы аясында "Манас" эпосынан үзінді оқылып, халық ақыны Тоқтоғұл Сатылғановтың санаттары (дидактикалық өлеңдері) орындалды. Сондай-ақ халық жазушысы Шыңғыс Айтматовтың шығармаларынан үзінділер қойылды.

Сонымен қатар қазақ және қырғыз халықтарының бауырластығын дәріптеу мақсатында қырғыз өнерпаздары Шоқан Уәлиханов, Абай Құнанбаев, Жамбыл Жабаев, Мұхтар Әуезов сияқты тұлғаларымыздың бейнесін сомдап, екі халыққа кең тараған ән-күйлерді орындады.

Мақаланың түпнұсқасы: https://kaz.nur.kz/politics/1994637-toqaev-qyrgyzstannyn-qazaqstandagy-madeniet-kunderinin-resmi-asylu-sarasyna-qatysty/