Top.Mail.Ru

Сайт нұсқасы

ru kz

Зектілері

Тоқаев ТМД үкіметтері басшылары кеңесінің мүшелерімен кездесті

Опубликовано:

Тоқаев ТМД үкіметтері басшылары кеңесінің мүшелерімен кездесуде
Қасым-Жомарт Тоқаев ТМД үкіметтері басшылары кеңесінің мүшелерімен кездесуде. Фото: Ақорда

Мемлекет басшысы Қасым-Жомарт Тоқаев ТМД үкіметтері басшылары кеңесінің мүшелерімен кездесті, деп хабарлайды Ақорда ресми сайтында.

Кездесуге Қазақстан премьер-Министрі Әлихан Смайылов, Әзербайжан премьер-министрі Әли Асадов, Беларусь премьер-министрі Роман Головченко, Тәжікстан премьер-министрі Кохир Расулзода, Өзбекстан премьер-министрі Абдула Арипов, Ресей үкіметінің төрағасы Михаил Мишустин, Қырғызстан министрлер кабинетінің төрағасы – Президент әкімшілігінің басшысы Ақылбек Жапаров, Армения вице-премьері Мгер Григорян, Түрікменстан министрлер кабинеті төрағасының орынбасары Ходжамұрат Гелдімурадов және ТМД Атқарушы комитетінің төрағасы – Атқарушы хатшысы Сергей Лебедев қатысқан.

Кездесу барысында Қасым-Жомарт Тоқаев ТМД елдері делегацияларының басшыларына ілтипат білдіре отырып, экономикалық серіктестікті кеңейту үшін жағдай жасаудың маңыздылығын атап өткен.

"Жуырда ТМД-ға мүше елдердің басшыларының саммиті өтті. Біз өзара ынтымақтастықты арттыруға, экономиканың әлеуетін нығайтуға деген ортақ ниетімізді білдірдік", – дейді мемлекет басшысы.

Сондай-ақ Қасым-Жомарт Тоқаев шиеленісе түскен геосаяси қайшылықтарға, әлемдік экономикадағы тұрақсыздыққа назар аудара отырып, бірқатар тиімді шара қабылдауға шақырған.

"Бұл ретте өзара сауда-экономикалық ынтымақтастық маңызды рөл атқарады. Өздеріңізге мәлім, Қазақстанның биылғы төрағалығы аясында ТМД-ның 2030 жылға дейінгі экономикалық даму стратегиясының міндеттерін белсенді жүзеге асыру ісі жалғасты. Халықаралық нарықтағы дағдарыс жағдайына қарамастан, экономикамыз біртіндеп қалпына келе бастады", – деді президент.

Мемлекет басшысы кедергілерді жоюға, протекционизмге жол бермеуге, қолайлы тарифтік шарттар қалыптастыруға, әкімшілік рәсімдерді жеңілдетуге де шақырған.

Қасым-Жомарт Тоқаев өз сөзінде көлік-транзит әлеуетін дамыту мәселелеріне де тоқталған. Атап айтқанда, Еуразия нарықтарына жаңа мүмкіндіктер ашатын Транскаспий халықаралық көлік бағытының келешегі бар екенін жеткізген.

"Бұл мәселенің өзектілігі артып келеді. ТМД-ға мүше мемлекеттер қолда бар әлеуетті дамыту үшін бірлесіп жұмыс істейтін болады. Атап айтқанда, Иранға, Парсы шығанағы мен Үндістанға шығатын "Солтүстік – Оңтүстік" бағыты бойынша сауда-саттықты өркендету маңызды", – дейді президент.

Қасым-Жомарт Тоқаев сөзінің соңында Астанада өтіп жатқан ТМД үкіметтері басшылары кеңесінің отырысы Достастыққа мүше елдердің алдында тұрған міндеттерді шешуге өз үлесін қосатынына сенім білдірді.

Мақаланың түпнұсқасы: https://kaz.nur.kz/politics/1994729-toqaev-tmd-ukimetteri-bassylary-kenesinin-muselerimen-kezdesti/

pixel