Қазақстандағы президент сайлауының алдын ала қорытындысы жарияланды

Опубликовано:

Сайлау жәшігін ашқан сәт
Сайлау жәшігін ашқан сәт. Фото: NUR.KZ/Владимир Третьяков

Орталық сайлау комиссиясы Қазақстандағы кезектен тыс президент сайлауының алдын ала қорытындысын жариялады. Бұл туралы арнайы ұйымдастырылған брифингте белгілі болды, деп хабарлайды KAZ.NUR.KZ.

Сайлаудың алдын ала қорытындысын Орталық Сайлау комиссиясының төрағасы Нұрлан Әбдіров мәлімдеді.

Оның сөзінше, еліміздің барлық өңірі мен шетелдердегі сайлау учаскелерінде дауыстарды санау аяқталған. Қазақстанда сайлауға құқылы 11 млн 953 мың 465 адамның 8 млн 300 мың 46-сы немесе 69,44 пайызы дауыс беруге қатысқан.

Сайлау қорытындысы бойынша президенттікке үміткерлер төмендегідей дауыс жинаған:

  • Қарақат Әбден - 2, 6 пайыз (206 206 адам);
  • Нұрлан Әуесбаев - 2,22 пайыз (176 116 адам);
  • Жигули Дайрабаев - 3,42 пайыз (271 641 адам);
  • Мейрам Қажыкен - 2,53 пайыз (200 907 адам);
  • Қасым-Жомарт Тоқаев - 81,31 пайыз (6 млн 456 392 адам);
  • Салтанат Тұрсынбаева - 2,12 пайыз (168 731 адам);
  • Бәріне қарсымын пункті - 5,8 пайыз (460 484 адам).

Еске сала кетейік, кеше, 20 қарашада елімізде кезектен тыс президент сайлауы өтті. Кейін "Ашық қоғам" өңірлік зерттеу халықаралық институты жүргізген алғашқы Exit-poll нәтижесі шықты.

Сауалнама қортындысы бойынша кандидат Қасым-Жомарт Тоқаев ең көп дауыс жинаған. Оған сайлаушылардың 82,45 пайызы дауыс берген.

Мақаланың түпнұсқасы: https://kaz.nur.kz/politics/1998212-osk-qazaqstandagy-prezident-sailauynyn-aldyn-ala-natizesin-zariyalady/