Ералы Тоғжанов Ақтөбе облысының әкімі болып тағайындалды
Опубликовано:
Мемлекет басшысының жарлығымен Ералы Лұқпанұлы Тоғжанов Ақтөбе облысының әкімі лауазымына тағайындалды, деп хабарлайды БОРТ N1 Telegram арнасы.
"Мемлекет басшысының жарлығымен Ералы Лұқпанұлы Тоғжанов Ақтөбе облысының әкімі лауазымына тағайындалды", - делінген ресми хабарламада.
Айта кетейік, бүгін, 1 желтоқсанда мемлекет басшысы Қасым-Жомарт Тоқаев бірқатар өңір әкімдерін тағайындады.
Президент жарлығымен Жетісу облысы, Атырау облысы, Шымкент қаласы, Солтүстік Қазақстан және Алматы облысының әкімдері тағайындалды. Мемлекет басшысының жарлығымен Павлодар облысының әкімі Әбілқайыр Сқақов қызметінен босатылып, өңір басшылығы міндетін уақытша атқарушы болып Олег Крук тағайындалды.
Мақаланың түпнұсқасы: https://kaz.nur.kz/politics/1999747-eraly-togzanov-aqtobe-oblysynyn-akimi-bolyp-tagaiyndaldy/
