Top.Mail.Ru

Сайт нұсқасы

ru kz

Зектілері

Тоқаев Бішкекке ұшып келді (фото, видео)

Опубликовано:

Қасым-Жомарт Тоқаев Бішкекке келді
Қасым-Жомарт Тоқаев Бішкекке келді. Видеодан кадр: t.me/bort_01

Мемлекет басшысы Қасым-Жомарт Тоқаев Жоғары Еуразиялық экономикалық кеңестің отырысына қатысу үшін Бішкек қаласына жұмыс сапарымен келді. Бұл туралы президенттің баспасөз қызметі Telegram-дағы ресми арнасында хабарлады.

Әуежайда мемлекет басшысын Қырғыз Республикасы Министрлер кабинетінің төрағасы – Президент әкімшілігінің басшысы Ақылбек Жапаров күтіп алған.

Кейін Қырғызстан президенті Садыр Жапаров Қасым-Жомарт Тоқаевты "Ала-Арча" резиденциясының Конгресс-холлында қарсы алған. Онда бүгін Жоғары Еуразиялық экономикалық кеңестің шағын және кеңейтілген құрамдағы отырыстары өтеді.

Айта кетейік, бұған дейін Қасым-Жомарт Тоқаев Қырғызстан президенті Садыр Жапаровты туған күнімен құттықтап, оған бақ-береке және жауапты мемлекеттік қызметте табыс тілеген еді.

Сондай-ақ мемлекет басшысы бауырлас Қырғызстанмен достық, тату көршілік және стратегиялық серіктестік рухындағы ынтымақтастықты одан әрі дамытуға ниетті екенін жеткізген болатын.

Мақаланың түпнұсқасы: https://kaz.nur.kz/politics/2000852-toqaev-biskekke-zumys-saparymen-keldi-video/

pixel