Тоқаев жұмыс сапарымен Санкт-Петербург қаласына келді

Мемлекет басшысы Қасым-Жомарт Тоқаев жұмыс сапарымен Санкт-Петербург қаласына келді, деп хабарлайды Telegram-дағы БОРТ N1 арнасы.

Президенттің баспасөз қызметінің мәліметінше, Қасым-Жомарт Тоқаев Санкт-Петербургта ТМД-ға мүше мемлекеттер басшыларының бейресми кездесуіне қатысады.

Еске сала кетейік, өткен аптада мемлекет басшысы Өзбекстанға мемлекеттік сапармен барған болатын.

Сапары аясында бірқатар құжатқа қол қойылды.

Мысалы, Қасым-Жомарт Тоқаев пен Шавкат Мирзиеев Қазақстан Республикасы мен Өзбекстан Республикасы арасындағы Одақтастық қатынастар туралы шартқа және Қазақстан Республикасы мен Өзбекстан Республикасы арасындағы Қазақстан- Өзбекстанның мемлекеттік шекараларын демаркациялау туралы шартқа қол қойды.

Сондай-ақ президент Ташкенттегі Төле би кесенесіне зиярат етті.