Қазақстанның кейбір конституциялық заңдарына өзгеріс енгізілді

Президент Қасым-Жомарт Тоқаев Қазақстанның кейбір конституциялық заңдарына өзгеріс енгізу туралы заңға қол қойды, деп хабарлайды Ақорданың баспасөз қызметі.

"Мемлекет басшысы "Қазақстан Республикасының кейбір конституциялық заңдарына өзгерістер мен толықтырулар енгізу туралы" Қазақстан Республикасының Конституциялық заңына қол қойды", - делінген Ақорда хабарламасында.

Конституциялық заңның мәтіні баспасөзде жарияланатын болады.

Сондай-ақ мемлекет басшысы "Қазақстан Республикасының кейбір заңнамалық актілеріне Мемлекет басшысының жекелеген тапсырмаларын іске асыру мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды.

Бұл заңның мәтіні де баспасөзде жарияланады.