Тоқаев Қазақстанның үш елдегі елшісін тағайындады

Опубликовано:

Қасым-Жомарт Тоқаев
Қасым-Жомарт Тоқаев. Фото: Liter.kz

Мемлекет басшысы Қасым-Жомарт Тоқаевтың жарлығымен Қазақстанның бірқатар елдегі елшілері тағайындалды, деп хабарлайды Ақорда ресми сайтында.

Президент жарлығымен:

  • Данат Өмірбайұлы Мұсаев Қазақстан Республикасының Испания Корольдігіндегі төтенше және өкілетті елшісі лауазымына тағайындалды;
  • Еркін Қадырбекұлы Ахинжанов Қазақстан Республикасының Оңтүстік Африка Республикасындағы төтенше және өкілетті елшісі болды, ол Қазақстан Республикасының Норвегия Корольдігіндегі Төтенше және Өкілетті Елшісі лауазымынан босатылды;
  • Әділ Қапанұлы Тұрсынов Қазақстан Республикасының Норвегия Корольдігіндегі төтенше және өкілетті елшісі лауазымына тағайындалды, ол Қазақстан Республикасы Сыртқы істер министрінің орынбасары лауазымынан босатылды.

Сондай-ақ Константин Васильевич Жигалов Қазақстан Республикасының Испания Корольдігіндегі төтенше және өкілетті елшісі, Қазақстан Республикасының Андорра Князьдігіндегі төтенше және өкілетті елшісі, Қазақстан Республикасының Дүниежүзілік турист ұйымы жанындағы Тұрақты өкілі қызметін қоса атқарушы лауазымдарынан босатылды.

Мақаланың түпнұсқасы: https://kaz.nur.kz/politics/2004928-toqaev-qazaqstannyn-birqatar-eldegi-elsilerin-tagaiyndady/