Top.Mail.Ru

Сайт нұсқасы

ru kz

Зектілері

Тоқаев: Жаңа депутаттар Сенаттың қызметіне тың серпін береді деп сенемін

Опубликовано:

Қасым-Жомарт Тоқаев
Қасым-Жомарт Тоқаев. Фото: Ақорда

Мемлекет басшысы Қасым-Жомарт Тоқаевтың парламент сенатының отырысындағы сөзі басталды, деп хабарлайды Ақорданың Telegram-дағы ресми арнасы.

"Өздеріңізге мәлім, еліміз дамудың жаңа кезеңіне қадам басты. Былтыр конституциялық реформаны қолға алдық. Ата заңға аса маңызды өзгерістер енгіздік. Қараша айында Президент сайлауы өтті. Жуырда Сенат депутаттарының бір бөлігі сайланды. Сонымен қатар, менің Жарлығыммен бірнеше сенатор тағайындалды. Осымен Сенаттың құрамын жаңғырту үдерісі аяқталды.

Депутаттардың жартысына жуығы жаңарды. Мұнда әр аймақтың, соның ішінде жаңадан құрылған облыстардың өкілдері бар. Қазақстан халқы Ассамблеясының мүшелеріне арнайы квота берілді. Осылайша, Сенатта түрлі санаттағы қоғам өкілдері барынша қамтылды. Жалпы, бұл Палата мемлекеттік басқару саласында айрықша рөл атқарады. Оған Конституцияға сәйкес маңызды міндеттер жүктелген. Заң шығару қызметін сапалы атқару үшін барлық жағдай жасалған.

Палата өз жұмысын абыроймен атқарып келе жатыр. Сенаторлар ауқымды реформаларды жүзеге асыруға белсене атсалысты. Осы орайда, баршаңызға шынайы ризашылығымды білдіремін. Жаңа депутаттар Сенаттың қызметіне тың серпін береді деп сенемін", - деді мемлекет басшысы.

Айта кетейік, бұған дейін ОСК сайланған сенаторлардың тізімін жариялап, мемлекет басшысы Жақып Асанов, Мәулен Әшімбаев және тағы үш тұлғаны сенат депутаты етіп тағайындаған еді.

Мақаланың түпнұсқасы: https://kaz.nur.kz/politics/2006823-qasym-zomart-toqaevtyn-parlament-senatynyn-otyrysyndagy-sozi-bastaldy/

pixel