Тоқаев SCAT әуе компаниясының президенті Владимир Денисовті қабылдады
Опубликовано:
Мемлекет басшысы Қасым-Жомарт Тоқаев SCAT әуе компаниясының президенті Владимир Денисовті қабылдады, деп хабарлайды Ақорда ресми сайтында.
Владимир Денисов президентке әуе компаниясының былтыр атқарған жұмыстарының негізгі нәтижелері, сондай-ақ алдағы кезеңге арналған даму жоспары туралы баяндаған.
Сондай-ақ ол 2030 жылға дейін компанияның әуе кемелері паркі мен бағыт желілерін кеңейту жөнінде мәлімет берген.
Бұдан бөлек, Владимир Денисов президентке Шымкент әуежайындағы аэровокзал кешені құрылысының барысы және авиациялық хабты дамыту шаралары туралы баяндаған.
Өз кезегінде Қасым-Жомарт Тоқаев SCAT әуе компаниясының қызметіне оң баға беріп, оның даму стратегиясын қолдаған.
Сонымен қатар мемлекет басшысы Шымкенттегі авиациялық хабтың құрылысын аяқтаудың, авиациялық тасымалдау саласының өңірдегі бәсекеге қабілеттілігін қамтамасыз етудің және көрсетілетін қызметтердің сапасын арттырудың маңыздылығына назар аударған.
Мақаланың түпнұсқасы: https://kaz.nur.kz/politics/2007632-toqaev-scat-aue-kompaniyasynyn-prezidenti-vladimir-denisovti-qabyldady/
