"Тіпті, екі елдің ядролық қаруы да ортақ": Тоқаев Ресей мен Беларусь туралы ойын ортаға салды

Еуразиялық экономикалық одақ форумында сөз алған Қасым-Жомарт Тоқаев одақтың идеологиялық негізіне қатысты өз пікірін айтты, деп хабарлайды Ақорданың ресми Telegram арнасына сілтеме жасаған KAZ.NUR.KZ.

"Біз ескеретін тағы бір сәт, былайша айтқанда, концептуалды шындық немесе ерекшелік бар. Бұл Еуразиялық экономикалық одақ аясында Беларусь пен Ресей одағының болуы. Концептуалды және идеологиялық бұл одақтың негізі айтарлықтай байыпты – бұл беларусь және орыс халқының тарихи қауымдастығын өзара тану, мәдени, тілдік, діни бірегейлікті тану, яғни бір халықтың, бір мемлекеттің болуын мойындау", - деді Тоқаев.

Президенттің айтуынша, ЕАЭО-да бірегей прецедент құрылды.

"Бізде, ЕАЭО-да одақтық мемлекет бар, яғни дүниежүзілік саяси тарихта бірегей прецедент немесе құбылыс – "Екі ел – бір мемлекет" формуласы бойынша біртұтас саяси, құқықтық, әскери күштері бар мемлекет құру құрылды. Экономикалық, валюталық, мәдени-гуманитарлық кеңістігі, біртұтас одақтық үкімет, біртұтас одақтық парламенті бар. Кешіріңіз, тіпті ядролық қару да қазір екеуіне ортақ", - деді Тоқаев.

Алайда ол Қазақстан, Қырғызстан және Армения ұсынатын интеграцияның басқа деңгейі бар екенін атап өтті.

"Біз бұл шындықты ескеруіміз керек. Бұл жағдайда біз қалай жұмыс істейміз? Бұл тұжырымдамалық мәселе. Менің ойымша, бұл мәселені осы экономикалық форумда талқылау керек", - деп түйіндеді сөзін Тоқаев.