Тоқаев Қатар әмірін Астана әуежайында қарсы алды (фото)

Мемлекет басшысы Қасым-Жомарт Тоқаев Қазақстанға жұмыс сапарымен келген Қатар әмірі шейх Тәмим бен Хамад Әл Тәниді Астана әуежайында қарсы алды. Бұл туралы Ақорда Telegram-дағы ресми арнасында хабарлады.

Президент баспасөз қызметінің хабарлауынша, бүгін екі ел басшылары екіжақты кездесу өткізіп, екі ел арасындағы қатынастарды одан әрі нығайту мәселелерін талқылайды.

Еске сала кетейік, бұған дейін Қатар әмірі Астанаға былтыр қазан айында келген еді. Сол кезде де Қасым-Жомарт Тоқаев шейх Тәмим бен Хамад Әл Тәниді елорда әуежайында қарсы алған болатын.

Кейін Қатар әмірінің Қазақстанға мемлекеттік сапары аясында бірқатар екіжақты құжатқа қол қойылды.