jitsu gif branding logo appbranding logo app
Саясат

    Көкпекті ауданының жаңа әкімі тағайындалды

    Раджан Қайырқанұлы
    Раджан Қайырқанұлы. Фото: ШҚО баспасөз қызметі

    Шығыс Қазақстанда аудандық мәслихат депутаттарының келісімі бойынша, аймақ басшысының өкімімен Көкпекті ауданының әкімі болып бұрын Глубокое ауданы әкімінің орынбасары қызметін атқарған Раджан Сейтқанов тағайындалды.

    Жаңа әкімді аудан активіне Даниал Ахметов таныстырды.

    Раджан Қайырқанұлы Шығыс қазақстан облысы, Катонқарағай ауданы, Катон ауылында дүниеге келген. 2008 жылы Алматы энергетика және байланыс институтын инженер мамандығы бойынша бітірген. 2015 жылы Алматы экономика және статистика академиясын бітіріп, экономика және бизнес бакалавры атанды.

    Еңбек жолын 2009 жылы "ШҚ АЭК" АҚ жабдықтарды жөндеу жөніндегі электр слесарі болып бастаған. Одан әрі су құбыры-кәріз желілері қызметінің бастығы, Риддер қаласы әкімдігінің "Инфросервис" МКК бас инженері болып жұмыс істеді.

    2012 жылы Семей қаласындағы "Бастау-Семей" ЖШС бас энергетигі, Глубокое ауданының құрылыс, сәулет және қала құрылысы бөлімінің маманы болып жұмыс істеді. Глубокое ауданы әкімдігінің "Теплоэнергия" МКК директорының міндетін атқарды.

    2014-2015 жылдары Катонқарағай ауданының мәдениет және тілдерді дамыту бөлімінің инспекторы, жетекші маманы, басшысы лауазымдарында қызмет атқарды.

    Одан әрі Катонқарағай ауданы ішкі саясат, мәдениет және тілдерді дамыту бөлімі басшысының орынбасары, Катонқарағай ауданы, Катонқарағай ауылдық округі әкімінің орынбасары, сондай-ақ Глубокое ауданы, Глубокое кентінің әкімі қызметтерін атқарды.

    Осы уақытқа дейін Глубокое ауданы әкімінің орынбасары болып жұмыс істеді.

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.