СҚО әкімі қашан тағайындалатыны белгілі болды

Солтүстік Қазақстан облысының әкімі қашан тағайындалатыны белгілі болды. Бұл туралы ақпарат Солтүстік Қазақстан облыстық мәслихатының ресми сайтында жарияланды.

"23 қыркүйек сағат 11.00-де Солтүстік Қазақстан облысының әкімін тағайындауға келісім беру мәселесі бойынша Солтүстік Қазақстан облысы мәслихаттары депутаттарының жиналысы шақырылады. Өтетін орны: Петропавл қаласы, Қазақстан Конституциясы көшесі, 38", - делінген хабарламада.

Еске сала кетейік, бұған дейін Солтүстік Қазақстан облысын Айдарбек Сапаров басқарған болатын. 4 қыркүйекте мемлекет басшысының жарлығымен Айдарбек Сейпілұлы Ауыл шаруашылығы министрі болып тағайындалды.

Айдарбек Сапаров 2022 жылғы 1 желтоқсаннан бастап биыл 4 қыркүйекке дейін облыс әкімі болған еді. Оның алдында 2017 жылғы 14 наурыздан 2022 жылғы 30 қарашаға дейін Солтүстік Қазақстан облысын Құмар Ақсақалов басқарды.

Мәтіннен қате тапсаңыз, бізге жазыңыз