Павлодар облысының бұрынғы аудан әкімінің қандай қызметке тағайындалғаны белгілі болды

Павлодар облысы басшысының өкімімен бұрын Май ауданының әкімі болған Ағыбай Әмірин цифрлық технологиялар басқармасының басшысы болып тағайындалды. Бұл туралы аймақ әкімдігіне сілтеме жасаған KAZ.NUR.KZ хабарлайды.

Ағыбай Әмірин 1972 жылы 9 мамырда Баянауыл ауданында дүниеге келген.

1995 жылы С. Торайғыров атындағы Павлодар мемлекеттік университетін "математика және информатика мұғалімі" мамандығы бойынша, 2006 жылы Қазақ гуманитарлық-заң университетін "құқықтану" мамандығы бойынша, 2013 жылы Инновациялық Еуразия университетін "экономика және бизнес" магистрі мамандығы бойынша аяқтаған.

2003 жылдан Ақсу қаласының Ақжол ауылдық округінің әкімі қызметін атқарды.

2006-2008 жылдары ҚР Мемлекеттік қызмет істері агенттігінің Павлодар облысы бойынша басқармасының мемлекеттік қызмет және сыбайлас жемқорлыққа қарсы күрес туралы заңнаманың сақталуын бақылау бөлімінің кеңесшісі, кейін басшысы болып жұмыс істеді.

2012-2014 жылдары Павлодар облысы әкімі аппаратының ұйымдастыру-бақылау бөлімінің басшысы болып қызмет етті. 2014-2016 жылдары - Павлодар облысы әкімі аппараты басшысының орынбасары, Әдеп жөніндегі уәкіл.

2016 жылдың 18 қарашасынан 2018 жылдың 21 мамырына дейін Ақтоғай ауданының әкімі.

2018 жылдың мамырынан 2020 жылдың наурызына дейін - Павлодар облысы әкімі аппаратының басшысы. Осы лауазымға тағайындалғанға дейін Май ауданының әкімі қызметін атқарды.

Айта кетейік, бұған дейін Абай облысы әкімінің орынбасары тағайындалғаны туралы жазған едік.

Мәтіннен қате тапсаңыз, бізге жазыңыз