Тоқаев Қазақстанның бірқатар елдегі елшілерін тағайындады
Опубликовано:
Президент Қасым-Жомарт Тоқаев Қазақстанның бірқатар елдегі төтенше және өкілетті елшісін тағайындады. Бұл туралы Ақордаға сілтеме жасаған KAZ.NUR.KZ хабарлайды.
Мемлекет басшысының жарлығымен:
Ғабит Бейбітұлы Қойшыбаев Қазақстан Республикасының Моңғолиядағы төтенше және өкілетті елшісі лауазымынан босатылды;
Алмас Сейтақынов Қазақстан Республикасының Моңғолиядағы төтенше және өкілетті елшісі лауазымына тағайындалды;
Сергей Александрович Викторов Қазақстан Республикасының Шри-Ланка Демократиялық Социалистік Республикасындағы төтенше және өкілетті елшісі лауазымына тағайындалды;
Қазақстан Республикасының Швеция Корольдігіндегі төтенше және өкілетті елшісі Олжас Мұхамедғалымұлы Сүлейменов Қазақстан Республикасының Дания Корольдігіндегі төтенше және өкілетті елшісі қызметін қоса атқарушы лауазымына тағайындалды.
Айта кетейік, бұған дейін Қазақстанның Шри-Ланкадағы төтенше және өкілетті елшісі қызметін Нұрлан Жалғасбаев атқарған еді. Ол Қазақстанның Польшадағы төтенше және өкілетті елшісі болып тағайындалды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/appointments/2237604-toqaev-qazaqstannyng-birqatar-eldegi-elshilerin-tagaiyndady/