Тоқаев Жаңа жылды қалай және қайда қарсы алады

Мемлекет басшысының баспасөз хатшысы Берік Уәли биыл Қасым-Жомарт Тоқаев Жаңа жылды қайда және қалай қарсы алатынын айтты. Бұл туралы ол "ҚазАқпарат" ХАА берген сұхбатында хабарлады.

"Мемлекет басшысы өзінің туған күнін де атап өтпейтінін білесіздер. Биыл мерейлі жасы болса да, Қытайда мемлекеттік сапармен жүрді. Ал, жаңа жылды Қасым-Жомарт Кемелұлы да бәріміз сияқты өзінің үйінде, дастарқан басында әулетімен бірге қарсы алады", - деді Берік Уәли.

Айта кетейік, биыл президент өзінің туған күнінде Си Цзиньпиннің шақыруымен Қытайға мемлекеттік сапармен барған болатын.