"Кітап оқыған ұрпақ озық ойлы болады": Тоқаев қазақстандықтарды Ұлттық кітап күнімен құттықтады

Мемлекет басшысы қазақстандықтарды Ұлттық кітап күнімен құттықтады. Бұл туралы президенттің баспасөз хатшысы Руслан Желдібайға сілтеме жасаған KAZ.NUR.KZ хабарлайды.

Руслан Желдібайдың Telegram-дағы арнасында жазуынша, былтыр Атырауда өткен Ұлттық құрылтайда мемлекет басшысы Ұлттық кітап күнін белгілеу жөнінде тапсырма берген.

Соған сәйкес, биылдан бастап 23 сәуір – Ұлттық кітап күні болып белгіленген. Атаулы күнге орай президент Қасым-Жомарт Тоқаев қазақстандықтарды құттықтаған.

"Биыл алғаш рет аталып жатқан Ұлттық кітап күні құтты болсын! Бұл – білімпаздық, ізденімпаздық, кітапқұмарлық сияқты игі қасиеттерді дәріптейтін күн. Кітап оқыған ұрпақ озық ойлы болады. Сапалы ұлт осындай құндылықтар арқылы қалыптасады", - делінген құттықтауда.

Мәтіннен қате тапсаңыз, бізге жазыңыз