Тоқаев Қуаныш Сұлтановты мемлекеттік наградамен марапаттады

Мемлекет басшысының жарлығымен Қуаныш Сұлтанов "Отан" орденімен наградталды. Бұл туралы Ақордаға сілтеме жасаған KAZ.NUR.KZ хабарлайды.

"Президент Қасым-Жомарт Тоқаевтың жарлығымен мемлекеттік және қоғамдық қызметтегі айрықша еңбегі үшін Қуаныш Сұлтанұлы Сұлтанов "Отан" орденімен наградталды", - делінген хабарламада.

Айта кетейік, Қуаныш Сұлтанов бүгін, 12 мамырда 80 жасқа толды.

Қуаныш Сұлтанов – көрнекті мемлекет және қоғам қай­рат­кері, журналист, саясаттанушы, дипломат, профессор. Саяси ғылымдардың кандидаты, докторы, Қазақстан саяси ғылымдар академиясының академигі.

1991-1993 жылдары еліміздің Баспасөз және бұқаралық ақпарат министрі, 1993-1994 жылдары премьер-министрдің орынбасары, 1994-1995 жылдары Жоғарғы Кеңес төрағасының орынбасары болған.

1995-2011 жылдары Қазақстанның Қытай, Моңғолия, Вьетнам және Солтүстік Кореядағы төтенше және өкілетті елшісі қызметін атқарған.

2001-2011 жылдары парламент сенатының, 2012-2016 жылдары парламент мәжілісінің депутаты болды.

Сенаттың сайтындағы мәлімет бойынша, Қуаныш Сұлтанов "Еңбек Қызыл Ту", "Парасат", ІІ дәрежелі "Барыс" орден­дерімен марапатталған.

Сондай-ақ ол – "Қазақ­станның еңбек сіңірген қайраткері", "Қазақстан Рес­публикасы дипломатиялық қызметінің еңбек сіңірген қай­раткері", "Қазақстанның құрметті журналисі".

Отандық жур­налистиканың дамуына қосқан зор үлесі үшін Қазақстан жур­налистика академиясы тағайын­даған "Алтын самұрық" жүлдесін алған.

Қуаныш Сұлтановтың қаламынан "Қар­лы­ғаштар", "Жастар екпіні", "Қа­зақстан комсомолы", "Та­ныс, бейтаныс – Тәуелсіздік", "Қа­зақстан – Қытай: тарих және бүгінгі күн", "Қазақстан – Қытай – құжаттар мен ма­териал­дар", "Алыптың оянуы" (Қытай реформалары туралы очерктер, телавтормен), "Қа­зақстандағы және Қытайдағы ре­формалар", "Мүдделер тоғысы. Перекресток интересов", "Қа­зіргі заманғы саяси процесс", "Серпінді кезең", "Заман және замандастар", "Қазақтың жаңа дәуірі", "Елбасы және қазақ мемлекеттігі" кітаптары өмірге келген.