Тоқаев осы аптада Мажарстанға барады

Президент Қасым-Жомарт Тоқаев алдағы күндері Мажарстанға барады, деп хабарлайды Ақорда.

"Президент Қасым-Жомарт Тоқаев 20-21 мамыр күндері Түркі мемлекеттері ұйымының бейресми саммитіне қатысу үшін Мажарстанға барады", - делінген Ақорда хабарламасында.

Еске сала кетейік, биыл қаңтарда мемлекет басшысы Қасым-Жомарт Тоқаев Мажарстан премьер-министрі Виктор Орбанмен телефон арқылы сөйлесіп, оны Қазақстанға сапар шегуге шақырған.

Президент Қасым-Жомарт Тоқаев Мажарстанда 2024 жылы қарашада мемлекеттік сапарға шықты. Оны Будапешт әуежайында Виктор Орбан күтіп алды.

Кейін мемлекет басшысы Қасым-Жомарт Тоқаев Мажарстан президенті Тамаш Шуйокпен кездесті. Түскі ас форматында өткен кездесу барысында президенттер екіжақты ынтымақтастықтың кең ауқымды бағыттарын талқылады.

Қазақстан басшысы Мажарстан премьер-министрі Виктор Орбанның атынан салтанатты қабылдауға қатысты.

Сондай-ақ іссапары кезінде мемлекет басшысы Будапештте қазақстандық студенттермен кездесіп, сөйлескен.