Тоқаев Антикордың бұрынғы төрағасы Асхат Жұмағалиға ризашылығын білдірді

Президент Қасым-Жомарт Тоқаев Антикордың бұрынғы төрағасы Асхат Жұмағалиға ризашылығын білдірді. Бұл туралы президенттің баспасөз хатшысы Руслан Желдібай хабарлады, деп жазады KAZ.NUR.KZ.

"Мемлекет басшысы Сыбайлас жемқорлыққа қарсы іс-қимыл агенттігінің бұрынғы төрағасы Асхат Жұмағалиға белсенді әрі нәтижелі жұмысы үшін ризашылығын білдірді", - деп жазды Руслан Желдібай Telegram-дағы арнасында.

Естеріңізге сала кетейік, кеше, 30 маусымда президент Ұлттық қауіпсіздік комитетіне қосу арқылы Сыбайлас жемқорлыққа қарсы іс-қимыл агенттігін қайта ұйымдастыруды қаулы етті.

Осылайша, Қазақстан Республикасы Ұлттық қауіпсіздік комитетінің ведомствосы – Қазақстан Республикасы Ұлттық қауіпсіздік комитетінің Сыбайлас жемқорлыққа қарсы іс-қимыл қызметі құрылды.

Қайта ұйымдастырылған Сыбайлас жемқорлыққа қарсы іс-қимыл агенттігінің кейбір функциялары мен өкілеттіктері Мемлекеттік қызмет істері агенттігіне берілді.

Мәтіннен қате тапсаңыз, бізге жазыңыз