Тоқаев Қауіпсіздік Кеңесінің отырысын өткізіп, көші-қон саласына қатысты бірқатар тапсырма берді

Президент Қасым-Жомарт Тоқаевтың төрағалығымен Қауіпсіздік Кеңесінің кезекті отырысы өтті. Бұл туралы Ақордаға сілтеме жасаған KAZ.NUR.KZ хабарлайды.

Жиында ішкі және сыртқы көші-қон саласындағы негізгі үрдістер қарастырылып, премьер-министрдің орынбасары Ермек Көшербаевтың, сондай-ақ ішкі істер, цифрлық даму, инновациялар және аэроғарыш өнеркәсібі, еңбек және халықты әлеуметтік қорғау министрлерінің ақпараты тыңдалған.

Мемлекет басшысы көші-қон саясатын іске асыруда геосаяси факторлар мен сын-қатерлерді, демографиялық болжамдарды және халықтың көшу себептерін есепке алудың маңызына тоқталған.

Сондай-ақ президент заңсыз көші-қонды болдырмау бойынша бақылауды қамтамасыз ету, сондай-ақ елдің адами капиталын арттыруды ынталандыру қажеттігіне назар аударған.

Отырыс қорытындысы бойынша үкіметке бірқатар нақты тапсырма берілді, соның ішінде мемлекеттік органдардың функционалдық міндеттеріне сараптама жасау мен қайта қарау және көші-қон саласындағы барлық ақпараттық жүйені интеграциялау ісін күшейту міндеті жүктелген.

Мәтіннен қате тапсаңыз, бізге жазыңыз