ҰҚК құрамына енген Антикорға жаңа басшы тағайындалды
Опубликовано:
Қайта құрылып, ҰҚК құрамына енген Антикорға жаңа басшы тағайындалды. Бұл туралы Ақорда хабарлайды.
"Мемлекет басшысының өкімімен Нұржан Маратұлы Құсайынов Қазақстан Республикасы Ұлттық қауіпсіздік комитетінің Сыбайлас жемқорлыққа қарсы іс-қимыл қызметінің директоры лауазымына тағайындалды", - делінген хабарламада.
Айта кету керек, 2025 жылғы 30 маусымда Антикор Ұлттық қауіпсіздік комитетінің құрамына кірді. Президент Қасым-Жомарт Тоқаев Ұлттық қауіпсіздік комитетіне қосу арқылы Сыбайлас жемқорлыққа қарсы іс-қимыл агенттігін қайта ұйымдастыруды қаулы еткен болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2263356-uqk-quramyna-engen-antikorga-zhanga-basshy-tagaiyndaldy/