Асылбек Ахметжанов оқу-ағарту вице-министрі болып тағайындалды

Үкімет қаулысымен Асылбек Ахметжанов Қазақстанның оқу-ағарту вице-министрі болып тағайындалды, деп хабарлайды KAZ.NUR.KZ үкіметтің баспасөз қызметіне сілтеме жасап.

"Қазақстан Республикасы үкіметінің қаулысымен Асылбек Амантайұлы Ахметжанов Қазақстан Республикасының оқу-ағарту вице-министрі болып тағайындалды", - делінген хабарламада.

Үкіметтің ресми сайтындағы мәліметке сүйенсек, Асылбек Ахметжанов 1993 жылы Алматы қаласында дүниеге келген. Л. Гумилев атындағы Еуразия ұлттық университетін, Қазақ технология және бизнес университетін бітірген.

Еңбек жолын 2016 жылғы қаңтарда Инвестициялар және даму министрлігі Байланыс, ақпараттандыру және ақпарат комитетінің Мемлекеттік көрсетілетін қызметтерді оңтайландыру басқармасы сарапшысының міндетін атқарушысы ретінде бастады.

2016–2018 жылдары — Ақпарат және коммуникациялар министрлігі "Электрондық үкіметті" және мемлекеттік көрсетілетін қызметтерді дамыту департаменті Мемлекеттік көрсетілетін қызметтерді оңтайландыру басқармасының сарапшысы.

2018–2019 жылдары — Цифрлық даму, инновациялар және аэроғарыш өнеркәсібі министрлігі "Электрондық үкіметті" және мемлекеттік көрсетілетін қызметтерді дамыту департаменті Мемлекеттік көрсетілетін қызметтерді жетілдіру саясаты басқармасының бас сарапшысы.

2019–2021 жылдары — Экология, геология және табиғи ресурстар министрлігі Цифрландыру және ақпараттандыру департаменті  Ақпараттандыру және мемлекеттік қызметерді автоматтандыру басқармасының басшысы.

2021–2024 жылдары — Цифрлық даму, инновациялар және аэроғарыш өнеркәсібі министрлігі Цифрлық трансформация департаменті директорының орынбасары

2024–2025 жылдары — Өнеркәсіп және құрылыс министрлігі Цифрландыру және мемлекеттік көрсетілетін қызметтер департаментінің директоры.

2025 жылдың ақпан айынан бастап қазіргі уақытқа дейін Цифрлық даму министрлігі Архитектура және цифрлық трансформация саясаты департаментінің директоры қызметін атқарды.

Мәтіннен қате тапсаңыз, бізге жазыңыз