Мемлекеттік күзет қызметі Иордания королінің Астанаға келуіне орай тұрғындарға үндеу жасады
Опубликовано:
Ертең, 26 тамызда Қазақстанға ресми сапармен Иордания королі келеді күтілуде. Осыған байланысты Мемлекеттік күзет қызметі Астананың кей көшелерінде көлік құралдары мен жаяу жүргіншілердің қозғалысына уақытша шектеу енгізілетінін ескертті, деп хабарлайды KAZ.NUR.KZ.
"Құрметті Астана қаласының тұрғындары мен қонақтары! Иордания королі Абдалла II бен әл-Хусейннің Қазақстан Республикасына ресми сапары кезінде (26-27 тамызда) қаланың жекелеген көшелерінде көлік құралдары мен жаяу жүргіншілердің қозғалысына уақытша шектеу енгізіледі.
Дайындық іс-шаралары арнаулы мемлекеттік және құқық қорғау органдарының, сондай-ақ ҚР Қарулы Күштерінің, оның ішінде әскери авиация мен техника ресурстарын пайдалану арқылы жүргізіледі.
Астана қаласының тұрғындары мен қонақтарынан халықаралық дәрежедегі маңызды оқиға кезінде қауіпсіздікті қамтамасыз ету бойынша жүргізілетін іс-шараларға түсіністікпен қарауды сұраймыз", - делінген хабарламада.
Айта кетейік, Иордания королінің Астанаға сапар барысында сауда-экономикалық және мәдени-гуманитарлық салалардағы Қазақстан-Иордания ынтымақтастығын одан әрі нығайту мақсатында жоғары деңгейдегі келіссөздер өтеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/kazakhstan/2278731-memlekettik-kuzet-qyzmeti-iordaniia-korolining-astanaga-keluine-bailanysty-turgyndarga-undeu-zhasady/