Тоқаевтың қазақ-қытай ынтымақтастығы туралы мақаласы China Daily газетінде жарияланды

Қасым-Жомарт Тоқаев Қытайдың ағылшын тілді China Daily басылымында мақаласын жариялап, Қазақстан мен Қытайдың өзара тығыз байланысын атап өтті. Бұл туралы KAZ.NUR.KZ хабарлайды.

Бұл туралы президенттің баспасөз хатшысы Руслан Желдібай өзінің Telegram-каналында хабарлады.

Бүгін Қытайдың ағылшын тілді танымал Сhina Daily газетінде Президент Қасым-Жомарт Тоқаевтың "Strong Kazakh-Sino ties key to successful cooperation" ("Қазақстан мен Қытайдың берік қарым-қатынасы – табысты ынтымақтастық кепілі") атты мақаласы жарық көрді. Мақалада Қазақстан мен ҚХР арасындағы жан-жақты стратегиялық серіктестікті дамыту, сондай-ақ Шанхай ынтымақтастық ұйымының әлеуетін нығайту тақырыптары қозғалған", - деп жазды Желдібай.

Айта кетейік, China Daily газетінің дүниежүзілік таралымы – 700 000 дана.

Басылымның газет, онлайн және мобильді нұсқаларын әлем бойынша 350 миллионнан астам адам оқиды.

Мәтіннен қате тапсаңыз, бізге жазыңыз