Тоқаев анасы қайтыс болған Гурбангулы Бердімұхамедовке көңіл айтты
Жарияланған күні:

Мемлекет басшысы Қасым-Жомарт Тоқаев Түрікменстан Халк Маслахатының төрағасы Гурбангулы Бердімұхамедовке анасы Огулабат Бердімұхамедованың қайтыс болуына байланысты көңіл айту жеделхатын жолдады, деп хабарлайды Ақорда Telegram арнасында.
"Анаңыз – қадірлі Огулабат Бердімұхамедованың қайтыс болғаны туралы қаралы хабарды терең күйзеліспен қабылдадым. Огулабат эдженің өмір жолы өз Отанына және халыққа деген шынайы сүйіспеншіліктің, сондай-ақ даналықтың, рухани байлықтың және үлкен мейірімділіктің үлгісі саналады.
Орны толмас қайғыңызға ортақтаса отырып, Қазақстан халқының және жеке өзімнің атымнан Сізге және жақындарыңызға көңіл айтамын", – деп жазылған жеделхатта.
Сонымен қатар Қасым-Жомарт Тоқаев Түрікменстан Президенті Сердар Бердімұхамедовке көңіл айтты.
Мақаланың түпнұсқасы: https://kaz.nur.kz/politics/universe/2016029-toqaev-anasy-qaitys-bolgan-gurbanguly-berdimuxamedovke-konil-aitty/