Тоқаев сыртқы істер министрі Мұрат Нұртілеудің есебін тыңдады

Мемлекет басшысы Қасым-Жомарт Тоқаев сыртқы істер министрі Мұрат Нұртілеуді қабылдады. Бұл туралы Ақорда хабарлады.

Кездесуде Мұрат Нұртілеу президентке бірқатар мәлімет берді. Атап айтқанда:

• министрліктің атқарып жатқан қызметі туралы мәлімет берді;
• Нью-Йорктегі БҰҰ Бас Ассамблеясы 79-сессиясының жұмысы, сондай-ақ Болашақ саммитінің қорытындысы жөнінде баяндады;
• БҰҰ Бас хатшысы Антониу Гутерришпен, шет мемлекеттердің сыртқы саясат ведомстволарының басшыларымен және халықаралық ұйымдардың жетекшілерімен келіссөз жүргізгенін айтты.

Кездесуде Қазақстан президентінің қатысуымен алдағы уақытта өтетін халықаралық іс-шаралардың кестесі қарастырылды.

Мемлекет басшысы Сыртқы істер министрлігіне ведомство қызметінің негізгі бағыттары бойынша бірқатар міндет жүктеді.