Тоқаев Таиланд королі Маха Вачиралонгкорнды құттықтады

Мемлекет басшысы Қасым-Жомарт Тоқаев Таиланд королі Маха Вачиралонгкорнды Ұлттық мерекемен құттықтады. Бұл туралы Ақордаға сілтеме жасаған KAZ.NUR.KZ хабарлайды.

Ақорданың Telegram-дағы ресми арнасында жарияланған ақпаратқа сәйкес, Қазақстан президенті жеделхатында Таиланд Корольдігінің халықаралық аренада және әлеуметтік-экономикалық дамуда айтарлықтай табысқа қол жеткізгенін атап өткен.

"Сонымен қатар президент Таиланд Корольдігімен дәстүрлі достық пен мазмұнды саяси диалогқа негізделген ынтымақтастықты одан әрі тереңдетуге бейіл екенін жеткізді", - делінген ресми ақпаратта.

Еске салсақ, бұған дейін Таиланд королі Маха Вачиралонгкорн мемлекет басшысы Қасым-Жомарт Тоқаевты Республика күнімен құттықтап, жеделхат жолдаған.

Мәтіннен қате тапсаңыз, бізге жазыңыз