Италия премьер-министрі Джорджа Мелони Қазақстанға сапарын кейінге шегерді
Опубликовано:
Президент Қасым-Жомарт Тоқаевтың кеңесшісі – баспасөз хатшысы Руслан Желдібай Италия премьер-министрінің Қазақстанға сапары кейінге шегерілгенін мәлімдеді, деп хабарлайды Ақорданың баспасөз қызметіне сілтеме жасаған KAZ.NUR.KZ.
"Италия тарапының өтініші бойынша премьер-министр Джорджа Мелонидің 26-27 сәуір күндері Қазақстанға жоспарланған ресми сапары мен "Орталық Азия - Италия" алғашқы саммитіне қатысуы кейінге шегерілді. Себебі Италия үкіметінің басшысы Рим Папасы Францискті жерлеу рәсіміне қатысады. Сапардың уақыты қосымша хабарланады", - делінген Ақорданың хабарламасында.
Бұған дейін президент Қасым-Жомарт Тоқаевтың шақыруымен 26-27 сәуір күндері Италия Премьер-министрі Джорджа Мелони Қазақстанға ресми сапармен келетінін хабарлаған едік.
Еске сала кетейік, 21 сәуірде 88 жастағы Рим Папасы Франциск Ватикандағы резиденциясында қайтыс болды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/politics/universe/2238438-italiia-premer-ministrining-qazaqstanga-sapary-keiinge-shegerildi/