Тоқаев Қызыл алаңда салтанатпен сап түзеген Қазақстан Қарулы Күштерінің сарбаздарына құрмет көрсетті

Мемлекет басшысы Қасым-Жомарт Тоқаев Қызыл алаңдағы парадқа қатысқан Қазақстан Қарулы Күштерінің сарбаздарына құрмет көрсетті. Бұл туралы Ақордаға сілтеме жасаған KAZ.NUR.KZ хабарлайды.

Әскери шеруге Қазақстан Республикасынан Кеңес Одағының Батыры, генерал-майор Иван Панфилов атындағы Десанттық-шабуылдау әскері 37-ші бригадасының жауынгерлері қатысты.

Салтанатпен сап түзеген қазақстандық 80 сарбазды полковник Алмас Төлегенов бастап жүрді.

Айта кетейік, 8 мамырда президент Қасым-Жомарт Тоқаев Ұлы Жеңістің 80 жылдығына арналған іс-шараларға қатысу үшін Ресейге барды.

Сапар аясында мемлекет басшысы Сербия президенті Александр Вучичпен, Венесуэла президенті Николас Мадуромен және Мьянма премьер-министрі Мин Аун Хлайнмен кездесу өткізді.

Бүгін Қасым-Жомарт Тоқаевты Ресей президенті Владимир Путин Кремльде қарсы алды.