"Халықаралық жағдайдың күрт нашарлауы": АҚШ-тың Иранға шабуылынан кейін Қазақстан мәлімдеме жасады

Қазақстан Республикасы Сыртқы істер министрлігі АҚШ Иранның ядролық нысандарына шабуыл жасағаннан кейін Таяу Шығыстағы ахуал бойынша мәлімдеме жасады, деп хабарлайды KAZ.NUR.KZ.

"АҚШ-тың Иранға қарсы соңғы әскери әрекеттерінің нәтижесінде әлемнің біздің бөлігінде орналасқан мемлекеттердің қауіпсіздігі үшін қатерлі салдары бар халықаралық жағдайдың күрт нашарлауы байқалуда.

Қазақстан Каспий маңы елдерінің тобына кіреді және Иранмен түрлі саладағы ынтымақтастықты дамытуда. Мемлекетіміз барлық келіспеушілікті, оның ішінде ядролық мәселелерді БҰҰ Жарғысы негізінде келіссөздер жүргізу арқылы шешу қажет деп санайды.

Барлық мүдделі елдерді ядролық қарудың таралуына жол бермеу және халықаралық бақылаумен таратпау режимін ұстанатын мемлекеттердің қауіпсіздігіне кепілдіктер беру мақсатында келісімді жақын арада әзірлеуге шақырамыз", - делінген хабарламада.

Мәтіннен қате тапсаңыз, бізге жазыңыз